Деркач Марина Владимировна

Өмірбаян

Марина Владимировна Деркач – креативті білім беру саласының сарапшысы, қоғам қайраткері, «Атамекен» ҰКП жанындағы Қосымша білім беру қауымдастығының төрайымы. 1979 жылы Ақтөбе қаласында дүниеге келген. Төрт ұл тәрбиелеп отырған ана. Қазақстандағы халықаралық институционалдық аккредиттеуден өткен алғашқы авторлық шығармашылық ойлауды дамыту мектебі – ArtLab мектебінің негізін қалаушы. Оның авторлық білім беру бағдарламалары балалардың танымдық қабілеті мен денсаулық көрсеткіштерін жақсартуға бағытталған. Қазақстан Республикасы Парламенті Сенаты жанындағы креативті білім беру және креативті индустриялардың құқықтық базасын қалыптастыру жөніндегі сарапшылық жұмыс тобының мүшесі болды. Еуразиялық креативті индустриялар қауымдастығы басқармасының мүшесі. Білім беру мен әлеуметтік жобаларды дамытуға қосқан үлесі үшін «Ерен еңбегі үшін» мемлекеттік медалімен марапатталған. Сондай-ақ «Ғылым және инновация» аталымы бойынша алғашқы Президенттік «АруАна» сыйлығына ұсынылған. Қоғамдық қызметінде креативті білім беруді дамытуға, балалар мен жастарды қолдауға, қауіпсіз білім беру ортасын қалыптастыруға және Қазақстанның адами капиталын нығайтуға басымдық береді.