Үгіт-насихат жұмысы аясында BAYTAQ жасылдар партиясының өкілдері Жетісу облысының Көксу ауданындағы Мұқыры ауылына арнайы барды. Партия өкілдері елді мекен тұрғындарымен жүздесіп, сайлауалды бағдарламаның негізгі бағыттарын таныстырды.
Жиынға Құрылтай сайлауына кандидат Темірлан Файзулин мен жасылдар партиясының республикалық штаб өкілі Батыржан Сейдомар қатысты. Кездесу барысында тұрғындарды алаңдатқан өзекті мәселелер көтеріліп, шешу жолдары талқыланды.
Сондай-ақ өңірдің табиғи әлеуетін тиімді пайдалану, экологиялық туризмді дамыту, ауыл экономикасын нығайту және халықтың әл-ауқатын арттыру бағытындағы бастамалар сөз болды. Қатысушылардың пікірінше, экотуризм – табиғатты сақтай отырып, жаңа жұмыс орындарын ашуға, ауыл кәсіпкерлігін дамытуға және өңірдің тұрақты дамуына ықпал етеді.
