«Байтақ» жасылдар партиясының төрағасы Азаматхан Әміртаев та ертемен сайлау учаскесіне барып, өз таңдауын жасады. Партия жетекшісі № 102 мектепте орналасқан №274 учаскеге сағат 9.00-де барды.
Ол бүгін – Қазақстан үшін тарихи күн екенін атап өтіп, елдің әр азаматы саяси науқаннан тыс қалмай, жарқын болашақ үшін дауыс бергені жөн, – деді.
Бұл күні Қазақстан бойынша 10 мыңнан астам сайлау учаскесі қызмет етеді. Ресми дерекке қарағанда, елде дауыс беруге құқылы 12 605 788 адам тіркелген.
145 депутаттан құрылатын бір палаталы Құрылтай сайлауына елде ресми тіркелген жеті партия «Ауыл», «Ақ жол», «Байтақ» жасылдар партиясы, «Әділет», ЖСДП, «Республика», «Қазақстан халық партиясы» қатысып жатыр. Олар саяси науқанға жиыны 500-ден астам кандидат ұсынған.
