«Байтақ» партиясынан Құрылтай депутаттығына үміткер Алтай Ордабеков «Сайрам-Өгем мемлекеттік ұлттық табиғи паркі» ұжымымен кездесті.
Жиында ол партияның сайлауалды бағдарламасын жіті таныстырып, экологиялық мәселелерді көтерді. Атап айтқанда, табиғи аумақтарды қорғау, биоалуандықты сақтау, қоғамның экологиялық мәдениетін арттыру.
Алтай Ордабеков табиғатты қорғау тек мемлекеттік органдардың емес, қоғамның әр мүшесінің ортақ міндеті екенін атап өтті.
Сайрам-Өгем ұлттық табиғи паркі 2006 жылы құрылған. Батыс Тянь-Шань аумағында орналасқан ұлттық парктің жалпы аумағы 149 мың гектардан асады. Бұл жерде табиғи ландшафттарды, өсімдіктер мен жануарлар дүниесін сақтау бағытында жұмыс жүргізіледі.
