Бүгін Қазақстанның «БАЙТАҚ» жасылдар партиясының орталық кеңсесіне Қырғызстан Жасылдар партиясының төрағасы Еркін Бүлекбаев арнайы келді.
Әлемнің көптеген елінде жасылдар партиялары жұмыс істейді. Барлығымызды біріктіретін ортақ мақсат — планетамызды қорғау, табиғатты сақтау және келер ұрпаққа таза, қауіпсіз орта қалдыру. Өйткені таза ауа, таза су, таза жер — бәрімізге ортақ құндылық.
Экологиялық мәселелер мемлекеттік шекарамен шектелмейді. Ортақ өзендеріміз, тауларымыз бен табиғи байлығымыз бізден бірлескен жауапкершілікті талап етеді. Сондықтан жасылдар партиялары арасындағы ынтымақтастық табиғатты қорғаумен қатар, елдер арасындағы достық пен өзара сенімді нығайтуға да жол ашады.
Қазақ пен қырғыз — бауырлас халықтар. Осы бауырластықты табиғатты қорғау жолындағы ортақ істермен бекіту — біздің мақсатымыз.
