Қазақстанның «Байтақ» жасылдар партиясының кандидаты Сәуле Қамытбекова Астанадағы Ұлттық ғылыми онкология орталығының еңбек ұжымымен кездесті. Іс-шара үгіт-насихат жұмысы аясында өтті.
Жиында үміткер партияның сайлауалды бағдарламасын кеңінен таныстырып, азаматтардың денсаулығын қорғау мәселесіне тоқталды.
Жиында медицина қызметкерлерінің еңбек жағдайы мен еңбекақы мәселесі де көтерілді. Қатысушылар, әсіресе зертханаларда жұмыс істейтін мамандардың жүктемесі мен жауапкершілігі жоғары екенін, ал жалақысы соған сай емесін айтты.
Ашық әңгіме форматында өткен кездесуде тараптар медицина мен экология саласындағы өзекті түйткілдер бойынша өз ұсыныс-ескертпелерін де жеткізді.
