10 наурызда ҚР Парламентінің Мәжіліс депутаттығына кандидат Болат Нұрхожаевтың бастамасымен «BAYTAQ» жасылдар партиясының өкілдері «Абай Дәулет» компаниясының қызметкерлерімен кездесті.
Кездесуде жергілікті тұрғындарды, атап айтқанда, мал шаруашылығымен айналысатын компания қызметкерлерін толғандыратын мәселелер талқыланды. Ол жерде Болат Нұрхожаев өзінің сайлауалды бағдарламасын таныстырды. Іс-шараға Қызылорда облысынан мәслихатқа кандидаттар, Қызылорда облысы басқарма мүшелері де қатысты. Сонымен қатар, Қызылорда облысындағы жергілікті халықтың өмір сүру сапасы мен денсаулығына әсер ететін экологиялық жағдайды талқылауға тікелей көңіл бөлінді.
«Абай Дәулет» жауапкершілігі шектеулі серіктестігі 2016 жылғы 4 сәуірде құрылған. Мал шаруашылығымен, омарта жасаумен және табиғи бал өндірумен, алма өсірумен және кірпіш өндірумен, оның ішінде жергілікті қазақтың жүндес ірі-қара мал тұқымын көбейтумен айналысады.
2016 жылы «Абай Дәулет» ЖШС экспортқа шығаратын аналық мал басын 5 мыңға және бордақылайтын қозыларды 10 мыңға дейін жеткізетін ферма құру» жобасын іске асыра бастады. Жануарларды тұрақты сумен қамтамасыз ету үшін серіктестік қуаттылығы 450 м/с ұңғыманы іске қосты.
Қызылорда облысының агро-картасында 2014-2016 жылдар аралығында жеміс-жидектің егіс алқабы шамамен 500 гектарды құрап, 2040 тонна жеміс өндірілген. Бұл көрсеткіш жергілікті халықтың жеміс-жидекке деген сұранысының тек 13%-ын ғана қамтыған, ал қалған үлес аймаққа импортталған өніммен жабылған. «Абай Дәулет» ЖШС Бесарықта, Сырдария облысында, Қызылорда облысында 5 гектар алқапқа аласа (ергежейлі) элиталық 10 000-нан астам алма көшеттерін отырғызған.