Қазақстанның «Байтақ» жасылдар партиясы Түркістан облысы филиалының Төрағасы Бақытжан Шәмілұлы партия Төрағасы Азаматхан Сайлауұлын Наурыз мерекесімен құттықтады

Қазақстанда әрбір ұлт пен ұлыстың төл мерекесіне айналған Наурыз – жаңару мен ізгілік символы. Осы орайда, «Байтақ» жасылдар партиясы да өзінің әріптестері мен мүшелерін ұмытпай, жыл сайын бұл мерекені ерекше ықыласпен атап өтеді. Биыл Наурыз мерекесі қарсаңында партия Төрағасы Азаматхан Сайлауұлының жеке қабылдауында ерекше бір сәт орын алды. Түркістан облысы филиалының төрағасы Бақытжан Қадырбаев партия Төрағасын 22 Наурыз – Ұлыстың ұлы күнімен құттықтап, арнайылап әкелген сыйлықтарын табыс етті.

Бұл іс-шара партияның бірлігін, ынтымағын әрі ұлттық құндылықтарға деген құрметін білдіретін маңызды сәт болды. Наурыз мерекесі – халықтың дәстүрі мен мәдениетінің, сондай-ақ, табиғаттың жаңаруының көрінісі ғана емес, саяси ұйымдар үшін де қоғаммен байланысты нығайтуға, мәдени және рухани құндылықтарымызды ұлықтауға бағытталған жақсы мүмкіндік.

Бақытжан Қадырбаев партия Төрағасына арнайы сыйлықтарын ұсынып, осы жылы халықтың рухани жаңаруы мен саяси серпілісінің белгісі ретінде тағы да партияның экологиялық және әлеуметтік бастамаларына жаңа серпін қосатындығын атап өтті. Түркістан облысы филиалының жұмысы да осы бағытта жалғасуда. Партияның негізгі мақсаты – экологиялық мәселелерді шешу, жасыл технологияларды енгізу және қоғамның әрбір мүшесіне экологиялық сауаттылықты арттыру.

«Байтақ» жасылдар партиясы тек табиғатты қорғаумен айналысып қана қоймай, ұлттық мәдениетімізді сақтауға және дамытуға үлкен үлес қосып келеді. Наурыз мерекесінің рухы мен маңызын арттыра отырып, партия мүшелері әрқашан қоғамның әлеуметтік, экологиялық мәселелеріне бей-жай қарамай, өздерінің көзқарастарын кеңінен таратуда. Партияның партия Төрағасы Азаматхан Сайлауұлы мен Түркістан облысы филиалының Төрағасы Бақытжан Қадырбаевтың бұл кездесуі сол бірлік пен ынтымақтың, сондай-ақ, саяси ұйымдар мен халық арасындағы сенімді байланыстың жарқын мысалы болды.