2025 жылғы «22» қыркүйек күні қабылданған Партия Төрағасының №_ 80 бұйрығына сәйкес, Кадырбаев Бакытжан Шамильевич Партия Төрағасының орынбасары лауазымына тағайындалды.
Бұл тағайындау партияның ішкі құрылымын жетілдіру және атом саласындағы қызметті жүйелі түрде ұйымдастыру мақсатында жүзеге асырылып отыр. Бакытжан Шамильевичке атом энергетикасы мен ядролық технологиялар саласында бірқатар маңызды міндеттер жүктелді. Атап айтқанда:
Атом саласындағы партиялық саясатты қалыптастыру және іске асыру;
Тиісті заңнамаларды сараптап, партия ұстанымдарын дайындау;
Ғылыми қауымдастықтармен, сарапшылармен тығыз қарым-қатынас орнату;
Қоғамда атом энергетикасына қатысты түсіндіру жұмыстарын жүргізу;
Форумдар мен конференциялар ұйымдастыру;
Халықаралық тәжірибені зерделеп, оны партия қызметінде қолдану;
Жүргізілген жұмыстар бойынша Партия Төрағасына жүйелі түрде есеп беру.
Кадырбаев Бакытжан Шамильевич — атом саласын терең меңгерген, кәсіби тәжірибесі мол маман. Оның жаңа лауазымдағы қызметі партияның стратегиялық мақсаттарына қол жеткізуге және атом энергетикасының қауіпсіз әрі тиімді дамуына тың серпін береді деп күтілуде.
Партия мүшелері мен қоғам өкілдері бұл тағайындауды оң қабылдап, Бакытжан Шамильевичтің бастамаларына табыс пен сәттілік тілеуде.