Қазақстанның «Байтақ» жасылдар партиясы ұсынған «Балаларымыздың жарқын болашағы үшін» атты жаңа экологиялық идеология — бұл тек қоршаған ортаны қорғау емес, сонымен қатар ұлт денсаулығын, экономикалық тұрақтылықты және ұрпақтар сабақтастығын қамтамасыз етуге бағытталған жүйелі көзқарас.

Осы идеологияны ел көлемінде жүзеге асыру мақсатында арнайы Жол картасы қабылдануда. Жол картасы экологиялық саясатты жаңа деңгейге көтеріп, табиғатты тұтыну емес, сақтау құндылықтарын қоғамның барлық саласына енгізуге бағытталған.

Жол картасының мақсаты – Қазақстанды экологиялық қауіпсіз және өмір сүруге қолайлы елге айналдыру, табиғат пен адам арасындағы тепе-теңдікті сақтау. Бұл — болашақ ұрпақ алдындағы азаматтық және саяси жауапкершілік.